هي خاربـــــــــــه خـــــــــــاربه قررت اعميهــــــــــا

هي خاربـــــــــــه خـــــــــــاربه قررت اعميهــــــــــا

صباح الخير / مساء الخير ياعسووليين

إن شاءالله بألف خير وسلامه... << وش عندها ذي كني اسمعكم تقولونها

اكيد انكم اشتقتولي

داريه محد جاب خبر بس يالله بكذب وأقوووول فقدتوني

<< تبي تفتح نفسها غصب للسوالف هع هع

المووووهيم عندي موضوع بقوله لكم << بدت أم الفضايح تفضفض

هذا مير الله يسلمكم وخليكم لخششن ترجيكم

كنا كل مايحي يوم نبي نطلع فيه لمكان ما يتغلون الي يسمونهم اخوانا علينا ويرفضون
يوصلونا ويطلعونا 00
واجلس اقول ياليتني اعرف اسوق ان كان كل يوم طلعتكم واجلس اتخيل انا وخواتي
الي تقول ابي السوق الفلاني والي تقول لا تكفين نبي المطعم ولا تقول
لا لا ابغاك تودينا المقهى << داجه ذي

حتى اميمتي دخلت جو معنا هع هع وتقول يابنيتي انا ابيك توديني عند جارتنا زلبه ام سعيدان

وانا حاطه رجل على رجل ورافعه خشمي عليهم خخخخخخخخ <<< تو الناس ياابو الشباب
ثم قلت اطلبو عزكم والله ماطلبتم شي ماخلي مكان بالرياض إلا وحنا مارينه حتى منفوحه
بوديكم لههها <<< تعريف بالحي هذا ارقى حي عندنا بالرياض << ايه هين

فقررت قرار إني البس الشماغ واتعلم السواقه ليش الي ساقو احسن مني

وش فيكم تناظروني بسم الله أيه قررت <<< اول مره اقرر هع هع امحق

عشان كوذا اخترت المصلحجي إلي مايودينا مكان إلا ولازم مقابل

فيوم من الأيام اجتمعنا وعقدنا مؤتمر على طاوله الطعام <<< امحق طاوله سفره على الأرض وتخب عليكم هع هع

جلسنا وحطينا بالوسط طاوله الكيرم <<< تخبرون مؤتمر ولازم نكشخ هع هع

وجلسنا وحولنا اخواني وحطينا ورقتين الورقة الأولى بأسمي والثانيه بأسم شمشوم مشاري يعني

وجاء القهوجي وقهوانا وبعد ماتقهوينا وعينا من الله خير

بدأت بالبسمله والحمد والصلاة على رسول الله

وقلتلهم هذا المؤتمر لو طلع لأي احد او تسرب منه أي كلمه للقيادة الداخلية
فسوف يكون عقابه قاسي وهو :

اولاً / ايه يمنع منعا باتاً لمده شهر من جميع انواع الشوكلاتات والحلويات ماعداً منتجاات
غندور0هههههههههههههه

ثانياً / يقوم لمدة اسبوعين بغسل جميع الحمامات ( الله يكرمكم )

ثالثاً / يقوم بتنظيف وتكنيس وغسيل الحوش

ورابعاً : أي احد يطلب منه يجيبله كاس مويه يقوم يجيب وهو مايدل طريقه

هل انتم موافقون وافقو جميعاً ووقعوا 0

وجاء دور شروطي انا وشمشوم

قالي وش تبين : قلتله ابي اتعلم السواقه

قالي ابشري وانا اخوتس بس عندي شروط

قلت اشرط الله يستر منك

قال

اولاً / انك تعبين لي بنزين وتشحنين لي جوالي لمده لاتقل عن شهرين

وثانياً /اني يوم الاربعاء والخميس ابتأخر واي احد يسأل عني تصرفينهم
<<< قلت في نفسي امي هينه بس ابوي وش يصرفه

ثالثاً /انك تحلين لي واجباتي كلها ههههه

رابعاً / انك كل ماشفتي امي وابوي تمدحيني عندهم بأني وليد شاطر ومؤدب وخلوق
انام بكيـر واصحى بكير <<< ايه هين

خامساً / قلتله خلاص تراني عطيتك وجهه لاصكك بالملاس على جبهتك
<<<< قشرا هع هع هع

قالي هل انت موافقه

طلعت كلمه موافقه من بين ضروسي وش اسوي عاد حكم القوي

وتم التوقيع على كلا الورقتين ووقع الشهود على تنفيد الأتفاقية بحذافيرها

وصرت اطلع كل خميس انا واخوي والأعذار ابي السوق ابي المكتبه عندخالتي عمتي
كل مره اقولهم ماكان حتى ابو جدتي يعني جد امي يعني جدي سيرت عليه

" صدق ترى عندي جد من ايام الدوله العثمانيه يعني ينفع نحطه بالجنادريه تراثي100 %
الله يطول بعمره يارب وعلي فكره يابنيات يبي يعرس وندورله على عروس يعني أي وحده تبي تعرس عليه ترسلي السيرة الذاتيه على الفاكس ورقمها على البيجر هع هع هع هع "

نرجع لمحور حديثا

وامي تقول كفو والله بنيتي تعرف السنع وتعرف الواجب هي واخوها
وانا اقول في نفسي ايه هين ماتدرين وش ناويه عليه ولله لو تدرين ان كان ماتخليني
اشوف الحوش وتمصعين رقبتي

الا وتقوم اختي الصغيرة وتقول يمه ترى حلاتي ها ها ها تروح ها ها

فقمت وحملت احدى المراكـــي واعتقد انكم تعرفون إلى اين ذهبت تلك المركى

في اول يوم كان يعلمني نظري يعني كنت اجيب ورقة وقلم واكتب المكونات

والطريقة اقصد الادوات وطريقة تشغيلها

يعني كل شي ووش وظيفته ناظرت

المرايه قلت هذي سهله عشان الواحد يناظر نفسه هع هع والمساحه عشان

اوخر المطر والمسجل عشان اسمع فيه <<<< احلفي

وثاني يوم جدعت الورقة وصرت اسمعله الي تعلمته

اما ثالث يوم فصرت اطبق عملي اخوي مدرسه في التعليم

ثمين قلتله ماني بزر اسوق في الحواري ابي اسرح وامرح بالشوارع على كيفي جبلي

حل

قام يفكر العبقري ويحك راسه وش الحل وش الحل

ثم صرخ وقال لقيتها

مافي حل إلا انك تلبسين عباية سوداء وتلبسين برقع وفوق البرقع تحطين الشماغ وتتلثمين فيه

يعني يعني ولد وتسوقين براحتك لامن شاف ولامن دري << عليه افكار مدري وش تبي

في البداية بصراحه ماهضمتها بعدين فكرت انه مافي غير هالحل

وجاء هاليوم طبعاً نفذت الخطه وخرجنا وركبت وكان ماحد ماخذ باله مني لانه كان معي

وحققت امنيتي ألتي طالما حلمت بها <<< اموت على اللغه ياناس

وافحط من شارع لشارع وانواع الفللللللللله

جاء اخوي قالي وقفي عند البقالة ابي اشتري قال تبين شي قلت ايه واحد بايسن

<<<<< نست نفسها

وقفت يوم نزل قلت ابسوي فيه مقلب إلا وانحـــاش عنه

وانا فاتحه فمي اضحك وجالسة اناظر ورى ابي اشوف شكله وامشي بالسيارة إلا

واصـــــــــــدم

يقوم اخوي وينحاش <<< امحق اخو

ويجتمعون الناس ويقولون انزل ياولد انا امنت الباب وحلفت ماانزل

ويدقون علي من الدريشة

وانا متخبيه عند دعاسة البنزين واصيح

قمت قلت يابنيه هي خاربه خاربه دقي على ابوك واخلصي

دقيت يبـ ـ ـ ـه <<< صوت متقطع مع البكاء

هلا بنيتي ها وش زينتي لبوك عشاء

<<< ياربي انا وين وهو وين ياحبه لكرشته

يبه الحقنـــي

وش فيه

يبه انا انا انا

صدمت

وش هو << حسيت لسانه طلع من السماعه

وينك فيه انتي

يبه انا كنت مع مشاري ومدري ويني فيه دق عليه

ويدق على مشاري الدب قام علمه بالسالفه كلها وحطها فيني وطلع نفسه بري

مادريت إلا وابوي يدق الدريشة

يوم شفته تنفست الصعداء << هالكلمة قريتها في مكان بس مدري وين

وفتحت الباب مسكني من مقفاي ورماني في السيارة ودخلت بالرفس والترفيس

وراح صرف الناس وتفاهم معهم

انا في هالوقت لو تشوفوني كان احد مدخلني في قالب ثلج اسناني تصك في بعضها

وركبي اتصافق

وكراعيني ترتجف وافكر وش السوات وش السوات عز الله

اليوم نومتي في مقبرة العود

عاد يوم شفته اقبل سويت نفسي مغمي علي

ويقوم يصحي فيني وانواع السب الله يصلحه <<< لك عين بعد

وقال عساك ماتقومين <<<< ياحبيله ابوي

ثم اسمع يدق على امي ويقول اجهزي بمرك نودي بنتك ال............ << مشفر

مغمى عليها بوديها المستشفى

طبعاَ وصلنا البيت اول ماشفت بيتنا إلا وافتح الباب واركض ركض الغزال

وابوي وراي بالعقال واقول جاك الموت ياتارك الصلاة

طبعاً في اليوم التالي صدر مرسوم ابوي

حكمت المحكمة حضورياً على المتهمه حلاتي بنت صويلح

بتنفيذ كافة الشروط التي عقدتها في المؤتمر السابق وتسفير الشغاله لكي تحل محلها

والمتهم مشاري بحرمانه من السيارة

رفعت الجلسة

اهم شي حققت امنيتي

<<< طسي بالله

قصة خيالية خرافيه من تخاريفي الخنفشارية

ملاحظة :

الي تدخل وماترد جعلها ماتنجح

والي يدخل ومايرد جعله مايعرس

<<<<<<<<< يانذلتس

امزح ترى

يالله مع السلامة يالشيون

ملطووووووووووووووووووووش

لا تحرموني طلتكم الحلووه و الردود السنعة

بحووووره

ههههههههههههههههههههههههههههههههههههههه..

غبــــــــــــاء

يصلمو بحور

من جد غباااااااااااااااااااااااء
بس حظها فحطت في شارع عام
مشكوره بحوره...تسلمين يالغلا

ههههههههههههه

مشكوورين يا قلبي على المروور

خخخخخخخخخخخخخخخخخـ

مشكووووووره بحووره

ههههههههههههههههههههههههههه
خطييييييييييييره وونااااسه الله دشت بمخي امنيتي اسويها
هههههههههههههههههههه

يسلمووووووووووووو يابحوره
تقبلي مروري

ههههههههههههههههه

مشكوووورين يا حلوين على المروور لا عدمتكم يارب